漫遊澳門藝術博物館-三星堆&FOCUS

呢篇文淺淺介紹下澳門藝術博物館，今年我去了睇3個展覽；每次都感受到策展規劃的用心，希望參觀者都有所得著；仲有大藍天下博物館隨便影都好靚，可以影埋對面的科學館～Nice!

2024.10 三星堆展覽：作為去過成都三星堆博物館的參觀者，呢個展覽的展品對我當然無咩吸引力，但勝在免費兼人少，可以慢慢隨心欣賞，亦唔駛晨咁早排隊，隨時去就得，so nice~不過展品大多為器皿類，面具得幾個；講真只能當作頭盤，主菜永遠在成都；值得讚賞係每個展覽都設有觀眾互動區，打卡位，蓋印章，加深印象得黎又有小禮物拎走，重點當然係免費啦～～

2024.06-焦點 FOCUS: 呢個畫展我覺得幾得意，主要介紹左一位定居澳門的畫家錢納利（住係鵝眉街，果然係富豪），和一名廣州畫家啉呱，大家有興趣可以查下佢地2個關係，耐人尋味～

原來當時已經好hit畫作買賣，啉呱一幅油畫成十兩，等於一年人工，有錢人～

藝術畫作我就唔識欣賞，但有很多展品係畫當時澳門各處不同地方，依十睇返又好鬼得意，下圖1為媽閣廟，圖2可能係南灣

我幾鐘意下面系列的畫作＜聖經譬喻圖＞，將聖經福音故事融入中國傳統畫，好有才～佩服！可借無文創商品，好想收藏一套